Nulisko Pengalaman Pribadi.
Di bah sinji wat pengalaman ghikmu, waktu mansa tugas anjak guru bahasa Lampung. Tiyan secara kelompok nulisko hasil kunjungan tiyan di museum Lampung.
Lapah mit Museum
Ghani Jumat sai likut Irsan, Toni ghik Remon lapah mit Museum Lampung di J. Pagar Alam Bandar Lampung. Tiyan mit Museum Lampung ulah mansa tugas anjak guru mata pelajaran bahasa Lappung guwai nyepok data sai behubungan jama alat-alat perlengkapan ughik sai digunako masyarakat asli suku Lappung di zaman tumbai. Tiyan geghing jama tugas sina.
Bangunan museum Lampung bebentuk lamban tradisional masyarakat Lappung sai helau temon, pok sekelilingni kecah ghik pelayananni betik-betik. Ampai sinji tiyan kughuk museum.
Irsan : "Assalamualaikum...sikam unyin haga kughuk Pak, pigha tiketni?"
Petugas : "Ulah kuti pelajar masih anak-anak tiketni Rp 500,00 gawoh, kidang guwai masyarakat umum ghega tiketni Rp. 4000,00. Hinji tiketni kuti dapok kughuk, hati-hati dang sappai kuti nyadangko atau mindah -mindah baghang-baghang sai wat di pajangan, ghik dang lupa lamun moto dang ngegunako blitz ulah cahayani dapok nyadangko kelir dasar benda-benda sina, paham sanak-sanak?"
Petugas cawa luwot, "O ya sebagai catatan, Museum Negeri Provinsi Lampung dibuka untuk umum unggal ghani, kecuali Senin ghik hari besar nasional, ji rincianni: Selasa hingga Kamis pukul 08.00-14.000 WIB, Jumat pukul 08.00-10.30 WIB, Sabtu pukul 08.00- 14.00 WIB, dan Minggu pukul 08.00-14.00 WIB. Sedangkan untuk dapat memasuki museum, sesuai dengan Perda Provinsi Lampung No. 6 tahun 2002, pengunjung hanya dikenakan sebesar biaya Rp.4.000,00 untuk orang dewasa, Rp.500,00 untuk anak-anak, Rp.1.000,00 untuk rombongan orang dewasa, dan Rp.500,00 bagi pengunjung yang datang dalam bentuk rombongan anak-anak"
Irsan : " Paham Pak, Insya Allah sikam seunyinni dapok hati-hati"
Toni : "Cawa Bu guru koleksi sai gham sepok wat di kebelah kanan, oya... ghik wat di unggak".
Remon :"Hinji ghayoh guwai masak mi atau kan, sina ighus sai teguwai anjak sughu kelapa, gunani makai ngaduk-ngaduk gulai, sina beghunang guwai ngakuk hasil bumi, waktu panen kupi, lada atau buwah-buwahan. Beghunang hinji diguwai anjak tali huwi. O..ya di san wat kebung, hiasan dinding sai wawai nihan." Lamun di bagian kramologi wat tiku guwai pok wai, wat kibuk guwai ngakuk wai, ghik makai mandi, sai jumlahni cutik gawoh, wat munih belanga balak guwai pok wai di lom jumlah sai lamon".
Irsan : " Ji ... nyak dapok data alat-alat minja, pinja pakai guwai nakkop binatang. wat bedil, senapan panah, ghik payan atau dikenal jama tombak."
Remon :Layin lagi jama data sai ikam dapoK, Ji alat-alat guwai nakkop iwa, dengi ya VWat kughi, alat hinji teguwai jak tali huwi lamun haga digunako dikeni umpan atau umpan sai dikeni tuba di ujung-ujung tali, lamun iwa nganik umpan sina, ya dapok nempel di kughi sina, wat munih seghiding, alat hinji guwai nakkop iwa di wai, wat munih jala, jaghing, kawil penyayit. Penyayit iyulah alat sesegh, bubu, jama guwai nakkop iwa gegoh sesegh kidang wat takkaini,."
Toni : Nyak wat lagi ji data alat-alat pertanian, kughit guwai ngedawakko jukuk, pacul, luku sai di taghik jama kibau atau jawi, dapok macul sabah sappai beghak, tugal guwai nanom bibit, misalni nanom jagung, kacang tanoh, atau tanoman biji-bijian sai baghih, laduk makai netok kayu, ghik aghit guwai netok jukuk sai ghanggal."
Irsan :"Petugas museum jeno cawa jama nyak lamun alat-alat transportasi wat rakit sai dipakai uwai ngakuk baghang atau nyebeghang di wai, wat geghubak guwai ngakuk baghang di darat, wat biduk guwai nakkop iwa di lawok, biduk hinji wat layagh, wat munih jukung gegoh jama biduk kidang mak ngedok layaghni, biduk hinji digunako caghani didayung ghik wat lagi sai gelaghni peghahu. Ganta alat transportasi hinji ghadu lebih canggih, wat motor, sepida, mubil, truk, kapal laut, motorboat, ghik pesawat." Ghadu ghua jam tiyan dilom museum, ngumpulko data benda, alat-alat ghik barang-barang baghih sai wat di museum.
Remon : Palai ya.. lapah gham mulang, naan wat pelajaran penting di sekulah, sai penting ganta gham kak jelas, tettang data sai gham dapok ji, tinggal gham susun laporan, gham ketik, kidang sapa sai ngetikni?"
Toni : Ya...ghadulah nyak gawoh sai ngetik, payu ganta gham mulang"
Mengidentifikasi Kata Dilom Teks
